LYRIC

ኢትዮጵያችን እንደ ጥቢ አዝመራ
እስክታብብ ፍሬ እስክታፈራ፤
የቃልኪዳን አለን ተስፋችን አልመሸም
ተመስገን!
ፍቅር አልሸሸም!
ቢሸመት፤ቢሰፈር በእንቁላል ስባሪ
አማኝ ልጆቹን ጥሎ አያውቅ ፈጣሪ
ልቦናው ይልማ እንጂ የሰው ልጅ መንፈሱ
ሰማይና ምድር መስጠትን አልነሱ!?
እንቆጥራለን ፀጋ እያልን ተመስገን
ነን እኛ ከሚድኑት ወገን!
ኢትዮጵያችን እንደ ጥቢ አዝመራ
እስክታብብ ፍሬ እስክታፈራ
የቃልኪዳን አለን ተስፋችን አልመሸም
ተመስገን!
ፍቅር አልሸሸም!
በየለት ኑሯችን ፍቅር ሲኾን ዳኛ
ፈጣሪ አያነሳም ጠባቂ ዐይኑን ከኛ
ቢወጣ ቢወረድ ቢለፈፍ ቢታወጅ
ከፍቅር ካልኾነ አይደለም የሚበጅ
በኢትዮጵያ ድንኳኖች መታወክ እንዳይኾን
እኛን የሚበጀን አንድ ልብ መኾን
ኢትዮጵያችን እንደ ጥቢ አዝመራ
እስክታብብ ፍሬ እስክታፈራ
የቃልኪዳን አለን ተስፋችን አልመሸም
ተመስገን!
ፍቅር አልሸሸም!
በቸርነቱ ሰጥቷል በሬቱ
ዘርቶ የሚያርም ኤቀርም ከንቱ!
አንጋጡ ማልዱ ይላል ሰማዩ
የእምነት ፍሬ እስከምታዩ!
ጥልን አየነው ከእሳት ይፋጃል
ሀገር እንዳለው መኾን ይበጃል!
አየነው ጥልን ከእሳት ይፋጃል
እምነት እንዳለው መኾን ይበጃል!
ልብን ሲያቀኑ ኹሉም ይሰምራል
ያሰቡት በርቶ የሰሩት ያምራል!
ልቡ ያበባ መንፈሱ ያለት
ይህ አይደለም ወይ ያገር ሰው ማለት!
ልቡ ያበባ መንፈሱ ያለት
ይህ አይደለም ወይ ያገር ሰው ማለት

Added by

Dibora Tadesse

SHARE

Comments are off this post

VIDEO