LYRIC

ዛሬ ቢጨልምም ነገ ደሞ ይነጋል
የማያልፍ ቢመስልም ሁሉም ነገር ያልፋል
ትዕግስት ብትወድ ብትሆን ሰባተኛ
ብዙ ብዙ ያለፋል ለመሆን አንደኛ
እንዳሰብከው ባይሆን አትቁረጥ ተስፋ
ቀኑ ቢከፋህ አንገት አትድፋ
ስትኖር ለስኬት ፈተናው ቢበዛ
የእህል ውሀ ነገር ቢያረግህ እዚህ እዛ
ገና ቀን አለህ ላንተ የተባለ
ችግር የሌለበት የተደላደለ
እስኪደርስ ያ እለት ዛሬም ባለህበት
እያህ ወደላይ ዝለል ወደ ሰማይ
አይቀር ጨልሞ ይነጋል ይነጋል
ይሄም ቀን ያልፋል ይነጋል ይነጋል
ያሰብከው ይጸድቃል አዲስ ቀን ይመጣል
2X
የምን ማዘን መተከዝ ነው ላይሞላ የዚህ አለም ኑሮ
ያሰብነው ላይሳካ በሀዘን በእንባ በሮሮ
ሳይሻል አይቀርም መጽናናቱ በእንጉርጉሮ
እንዲ ያረጉ ነበር አሉ አባቶቻችንም ድሮ
አንተም ብዙ ጥረህ ለፍተህ ላብህን ጠብ አርገህ
ጥቂት ብታገኝም ብዙ ተመኝተህ
ዋናው ሰላም ጤና ሁን እንጂ አንተ ሰላም
ዛሬ ፍጻሜ አይደል ነገም ቀን ነውና
አይቀር ጨልሞ ይነጋል ይነጋል
ይሄም ቀን ያልፋል ይነጋል ይነጋል
ያሰብከው ይጸድቃል አዲስ ቀን ይመጣል
2X

Added by

Dibora Tadesse

SHARE

Comments are off this post

VIDEO