LYRIC

ና በለው ና ግባ በለው 4X
ኢትዮጵያዊ ቀለም አንደኛ ነው በአለም
አምላክ በጥበቡ ቀምሞ የሰራን
ብዙ ተባዙ አለምን ሙሏት ብሎ የባረከን
የሰው ዘር መገኛ ኢትዮጵያዊ እኛ ነን
ምንም ያልደፈረን የአፍሪካ ኩራት
ለወደደን ሟች መርዝ ነን ለጠላት
ሀገርን ጠብቀን የኖርን በጀግንነት
ምስጋና ይድረሰው ለዚህ ቀን ላቆየን
ኬር ይሁን ሀገሩ እድሜ ጤና ይስጠን
አምላክ አይለያን
ሰንደቅሽ ከማማው ደምቆ የሚታየው
የህዝቦችሽ ቃልኪዳን አንድነት ዘውድ ነው
ያለፈው አልፏል አሁን ጊዜው የኛ ነው
ኢትዮጵያ ሀገሬ ነሽ ክብሬ
መመኪያ እናቴ ኩራቴ
ና በለው ና ግባ በለው 4X
ምን ሆኖ ይሆን ልጅሽ ከውጭ የሚጮኧው
ሀገሩን ናፍቆ እንደሆን ና ና ግባ በይው
ኢትዮጵያ ሰላም ነው
ሁሉም ፍቅር ነው
በሀሳብ አሸወይና
ግባ ዲያስፎራ
አርሂቡ አርሂቡ
ኑ ቡና ጠጡ
ከማር ከሰፈፉ
እስቲ ጠጁን አምጡ
አዋዜና ቁርጡ
ከአይብ ከወተቱ
ከቅቤው ጨምሩ
ኢትዮጵያዊን ሁሉ አይንካብኝ ክፉ
ቀረርቶ ሽለላ ነበር ለጦርነት
አሁን እንቀይረው እናርገው ለልማት
እፍኝ ለማትሞላ ለዚች ትንሽ ህይወት
ፍቅር እያወራን ካቃተን መግባባት
እንጸልይ ወደላይ
ኢትዮጵያ በልጽጋ ባይናችን እንድናይ
ኢትዮጵያ ሀገሬ ነሽ ክብሬ
መመኪያ እናቴ ኩራቴ
ና በለው ና ግባ በለው 4X
አክሱም ላሊበላ ነጃሽን የሰሩ
ላሁኗ ኢትዮጵያ አሻራ ያኖሩ
ሀገር አስከብረው ለወገን የኖሩ
እስከ አለም ፍጻሜ ሲዘከሩ ይኑሩ
ልጅ ምንም ቢሆን አባቱን አይቀድምም
ቢሆንም አዲስ ትውልድ ነን ታሪክን በመስራት
ታሪክን ለመስራት ወደ ኋላ አንልም
ተከባብሮ መኖሩ እስላም ክርስቲያኑ
መቅደስ ሰላም ሀገር በኢትዮጵያ ነው በሉ
ባህር ማዶ ሆኖ በስደት ታውሮ
ወንድሙን ሊገለው ከጠላት ወግኖ
ሰላቢ ወላዋይ ባለ ሁለት ምላስ
አስመሳይ ወረኛ ሳያውቀው ያልነቃ
የሚላስ ሳያጣ ሀገሩን የሸጠ
እነሱ ቢጮሁ ጥፋ ጥፋ ቢሉ
እያሉ አማራ ኦሮሞ ትግራይ ነው
ከደቡብ ሱማሌ ቤንሻንጉል አፋር
ጋምቤላ ሀረሪ እኛን ቢለያዩ ብዙ ቢተርቱ
በፍጹም አይችሉም ሊያስቆሙት ግመሉን
ማንም አይበጥሰው የአንድት ገመዱ
ቋንቋው ቢለያይም አንድ ነው ኢትዮጲያዊ ሁሉ
ና በለው ና ግባ በለው 4X
የአባት አደራ ሸክሙ ከባድ ነው
አጥንቱን ለግሶ ኢትዮጵያን ላቆየው
ለከፈለው መስዋዕት ጎበዝ ዋጋ እንስጠው
አባይን ገንብተህ አብርተህ አሳየው
ተከብረሽ የኖርሽው በአባቶቻችን ነው
ኢትዮጵያዬ ላንቺ የማልሆነው የለም
ዘረኝነት ይጥፋ ሰላም ፍቅር ይንገስ
ጠላትሽም ይጉደፍ
ሀገሬ ኩራቴ ኑሪ ለዘላለም
ኩሪ ለዘላለም 2X

Added by

Dibora Tadesse

SHARE

Comments are off this post

VIDEO