Warning: Creating default object from empty value in /home/ethiolyrics/public_html/wp-content/themes/muusico/framework/admin/ReduxCore/inc/class.redux_filesystem.php on line 29
አንድ በሉልኝ – EthioLyrics – Ethiopian Lyrics & Video

LYRIC

ዳኛ ቢሰየም ሸንጎ ቢጠራ
አልሰማም አለች አቤት መከራ
ክሴ መና ነው ጩኧቴም ከንቱ
ውል የለው ለኔ መሽቶ መንጋቱ
አንድ በሉልኝ 3X
አንድ በሏት
2X
እማን ዘንድ ይኬዳል ዳኛውስ ወዴት
እሷን ስለፍቅር የምከስበት
ከዋርካው ስላሉት በእኚህ ጌታ
በፍቅር ማን ጀግና የማይረታ
ገብቼ ሱባኤ ጸሎተ አርምሞ
ልቤ ባንቺ ፍቅር በመውደድሽ ታሞ
እንደ ጧፍ ይነዳል አመድ እንኳን የለው
የአይኖቼ እንባ ልቤን ሲያቃጥለው
በፍቅርሽ ምርኮ አስቆልፈሽኝ
መንኜ ገባሁ ባንቺ መንኩሼ
ጸበል ደጅ ላይ በዛሁልሽ
ጸሎቴ አንቺ ነሽ ትራስ ተንተርሼ
አንድ በሉልኝ 12X
የማስቀድስበት መቋሚያው ተሰብሮ
አልደገፍበት ቁመቱ ከኔ አጥሮ
ሰንበት ካጸዱ ቆሜ አስቀደስኩኝ
ጸበሉን ጠጥቼ ዛሬም ቆሜ ዋልኩኝ
ዳዊቴን ባነበው ነጠላ አጣፍቼ
ከትልቁ ዛፍ ስር ግንቡን ተጠግቼ
ሲያዳኩነኝ ፍቅር ሲያቀሰኝ መውደድ
ጸሎቴ አይሰማ ቀዬውም አይፈርድ
በፍቅርሽ ምርኮ አስቆልፈሽኝ
መንኜ ገባሁ ባንቺ መንኩሼ
ጸበል ደጅ ላይ በዛሁልሽ
ጸሎቴ አንቺ ነሽ ድጋፍ ተንተርሼ
አንድ በሉልኝ 12X

Added by

Dibora Tadesse

SHARE

Comments are off this post

VIDEO