LYRIC

ቀን በአደባባይ በከተማ
አገር እያየ እየሰማ
ልቤን በውበት ድንገት ሰወርሽው
እስከኔው ጨምረሽ ወይ አልወሰድሽው
ጋልቦ በገራው ፈረሰ ርቆ ተጓዥ ለጉዳይ
እንዴት ይጥላል ልቡን በድንገት ከአደባባይ
ወይ ካደረግሽው ማርከሽ የፍቅርሽ ሟች ተረኛ
በቃ አሳርፊው ልቤን አታስጨንቂኝ ተይኛ
እርፍ ይበል ልቤም ቁርጡን አውቆ
እንዴት ይችላል ታዲያ እንዲህ ተጨንቆ
የወደደ ታሞ ባይዝ አልጋ
ቆሞ ሲሔድ ሁሌም ከራሱጋ
ነው እያወጋ
እንደድንገት ልቤ ድንግጦ
ጥሎኝ ሔደ ከኔ አንቺን መርጦ
የደነገጠው ልቤን ወስደሽው
በይ ንገሪኝ የት አደረግሽው
ይሔኔ ልቤን ጥለሽ ይሆናል
በዚህ ግዜ ማን ይታመናል
የያዘኝ ፍቅርሽ የረታው አቅሜን
ባንቺም ደርሶ ምነው ባልኩ አሜን
አሜን አሜን አሜን………….ኸረ አሜን አሜን 2x
ልቤን እንዳጣው አቅሜን
ባልኩኝ ፍቅር ይዞሽ አሜን
አሜን አሜን ……………….
አዝማች
እንዴት ሳያጉረመርም ዝናብ ይጥላል ሰማይ
ድንገት አራሰው ልቤን ውበትሽ መሥሎ ፀሀይ
ሀሳብ ቀላቅሎ ሲጥል እኔስ ብርዱ ገደለኝ
ምነው ወይ አዝኖ ልብሽ ከፍቅርሽ ቢያስጠልለኝ
እትት ሲል ጐኔም አንችን ናፍቆ
እንዴት ይችላል ታዲያ እንዲ ተጨንቆ
ዘምቦ በኔ ፍቅርሽ እስኪያባራ
ምነው ቢኖር ልቤ ካንቺ ጋራ
ባንድ ጣራ
እንቺ ምክር ካንቺ ባላውቅም
ሀይለኛ ነው ፍቅር አይናቅም
በዚህምድር የፈሩት ደርሶ
ስንት አይተናል የናቁት ወርሶ
የናቁት ወርሶ ብድር ሲመልስ
ያስጨንቃል መቼም አያድርስ
እኔ በፍቅርሽ እንዳጣው አቅሜን
ባንቺም ደርሶ ምነው ባልኩ አሜን
አሜን አሜን ………..ኸረ …አሜን አሜን 2x
ልቤን እንዳጣው አቅሜን
ባልኩኝ ፍቅር ይዞሽ አሜን
አሜን አሜን ………..ኸረ …አሜን አሜን
አሜን አሜን አሜን 2x

Added by

Dibora Tadesse

SHARE

Comments are off this post

VIDEO