LYRIC

የብርሀን ሰልፍ ነው ያነገተ ፍቅር ሰላም ጤና ለአዳም
እንኳን ሰው እንስሳም የፍቅር ነው ሰራዊቱ
ዱር አራዊቱ ምን አስተከዘህ ከሐዘን ዋሻው የኔ ሆድ ባሻው
ባሻው ይደሰት ልብህ ከቶም እንዳይከፋው አዝነህ ላትገፋው
ቢከፋም ቢለማ ያለም ኑሮህ ምን ባይቀናህ ሁን አንተ ጤና
ቸር አስብበት በሰጠህ እድሜ አይዞህ ወንድሜ
ድንገት ቢከፋህ ባይቀናህ ኑሮ በዚች ዓለም
ጊዜ የማይፈታው ምንም የለም
ጊዜው አሁን ነው ትላንት ሆኖ ቀሪ
የነገው ቀን ሰሪ
አመት ያህላል ቀን እየዞረ
ዛሬም እራሱ ነገ ነበረ
የጊዜ ሚዛን አይላወስም
ዛሬን የሌለ ለነገ አይደርስም
ሳዝን አልውልም ሳላውቅ ማደሬን
የኔ ነው በቃ አልሰጥም ዛሬን
አይዞህ ልቤ ….. አይዞህ (4x)
ባሻው ይደሰት ልብሽ ከቶም እንዳይከፋው
አዝኖ ላይገፋው
ቢከፋም ቢለማም የዓለም ኑሮሽ ምን ባይቀና
ሰርክ አንቺ ደህና
ፍቅርን ሳይበት ኑሪና በዓለም
አንቺ የእናት ቀለም
ቀኑ ቢመሻሽ ብለሽ አትስጊ ፋኖስ የለም
ፀሃይ ነሽና ለዚህች ዓለም
ዛሬን አብሪበት ለኩሺና ተስፋ
ነገም እንዳያጠፋ
አመት ያህላል ቀን እየዞረ
ዛሬም እራሱ ነገ ነበረ
የጊዜ ሚዛን አይላወስም
ዛሬን የሌለ ለነገ አይደርስም
ሳዝን አልውልም ሳላውቅ ማደሬን
የኔ ነው በቃ አልሰጥም ዛሬን
አይዞህ ልቤ ….. አይዞህ (4x)

Added by

Dibora Tadesse

SHARE

Comments are off this post

VIDEO